आंबोली हे भारतात दक्षिण महाराष्ट्रातील एक प्रसिद्ध हिल स्टेशन आहे. गोव्याच्या समुद्रकिनाऱ्यावर उंच प्रदेशांपूर्वी हे शेवटचे हिल स्टेशन आहे. आंबोली पश्चिम भारतातील सह्याद्री पर्वत रांगेत आहे, हे "इको हॉट-स्पॉट्स" पैकी एक आहे आणि येथे मोठ्या प्रमाणात विविध वनस्पती आणि प्राणी आढळतात.

जिल्हा/प्रदेश    
सिंधुदुर्ग जिल्हा, महाराष्ट्र, भारत.

इतिहास    
आंबोली गाव वेंगुर्ला बंदरापासून बेळगाव शहरापर्यंतच्या स्टेजिंग पोस्टपैकी एक आहे, हे ब्रिटिशांनी दक्षिण आणि मध्य भारतात त्यांच्या चौकीला पुरवठा करण्यासाठी मोठ्या प्रमाणावर वापरले होते. आंबोली गाव भारतीय लष्कराच्या सेवेसाठी मोठ्या संख्येने तरुण पाठवण्यासाठी ओळखले जाते. शौर्य चक्र प्राप्त करणारे शहीद सैनिक पांडुरंग महादेव गावडे हे देखील आंबोलीचे होते.

भूगोल
आंबोलीचे हिल स्टेशन आंबोली घाटावर आहे जी सह्याद्री पर्वत रांगेतील एक डोंगर खिंड आहे. हा भारतातील सर्वात सुंदर घाटांपैकी एक आहे. हा घाट कोल्हापूर सावंतवाडीच्या रस्त्यावर आहे. आंबोली हिल स्टेशन घनदाट जंगल, धबधबे आणि एक सुंदर नैसर्गिक दृश्याने वेढलेले आहे. हे ठिकाण महाराष्ट्रातील सर्वात आवडत्या पर्यटन स्थळांपैकी एक आहे.
या प्रदेशातील मुख्य हवामान म्हणजे पावसाळा, कोकण पट्ट्यात जास्त पाऊस (सुमारे २५०० मिमी ते ४५०० मिमी) पडतो, आणि हवामान दमट आणि उबदार असते. या काळात तापमान ३० अंश सेल्सिअस पर्यंत पोहोचते.
उन्हाळा खूप गरम आणि दमट असतो, आणि तापमान ४० अंश सेल्सिअस पर्यंत पोहोचते.
हिवाळ्यात तुलनेने सौम्य हवामान असते (सुमारे २८ अंश सेल्सिअस) आणि हवामान थंड आणि कोरडे असते. 

येथे काय करावे      
हे ठिकाण लोकप्रिय आहे आणि तिथले   धबधबे, वनस्पती आणि प्राणी, हिरवेगार जंगल, ट्रेकिंगचा अनुभव आणि अश्या बऱ्याच गोष्टींसाठी लोकांना आवडते. असंख्य धबधब्यांनी वेढलेल्या आंबोली धबधब्याला भेट देणे कधीच चुकवू नये. हे ठिकाण जेटस्की, बनाना राईड, सिटिंग बम्पर राईड, स्लीपिंग बम्पर राईड आणि स्पीड बोट राइड सारख्या विविध वॉटर स्पोर्ट्स अॅक्टिव्हिटीज साठी सुद्धा प्रसिद्ध आहे.

जवळची पर्यटन स्थळे     
आंबोली हिल स्टेशनसह खाली दिलेल्या पर्यटन स्थळांना भेट देण्याचा कार्यक्रम आखू शकता:
● आंबोली धबधबा: मुख्य बसस्थानकापासून ३ किमी अंतरावर असलेला आंबोली धबधबा हे येथील प्रमुख ठिकाण आहे. हजारो पर्यटक पावसाळ्यात या धबधब्यांना भेट देतात.
● शिरगावकर पॉइंट: शिरगावकर पॉइंट वरून खोऱ्याचे भव्य विहंगम दृश्य तुम्ही बघू शकता. मुख्य बस स्टॉपपासून ३ किमी अंतरावर असलेले हे ठिकाण मान्सूनच्या पावसाची जादू अनुभवण्याची संधी देते.
● हिरण्य केशी मंदिर: हे मंदिर लेण्यांच्या जवळ आहे जिथून पाणी खाली वाहते आणि हिरण्यकेशी नदी होते. हे मुख्य बस स्टॉप पासून ५ किमी अंतरावर आहे. इथून तुम्हाला लेण्यांचा शोधही घेता येतो.
● नागरतास धबधबा: नागरतास धबधबा हा एक अरुंद घाट आहे ज्यावर ४० फूट उंचीवर धबधबा आहे. तो आंबोलीपासून १० किलोमीटर अंतरावर राज्य महामार्गाच्या बाजूला आहे. मान्सूनच्या काळात या धबधब्याचा आवाज कोणीच चुकवू नये.
● सनसेट पॉइंट: सनसेट पॉइंट बसस्थानकापासून सावंतवाडीच्या दिशेने २ किमी अंतरावर आहे. यथे सूर्यास्ताचे नयनरम्य दृश्य बघता येते.
● कावलशेट पॉईंट आंबोली: अंतहीन दऱ्या आणि लहान धबधब्यांचे श्वास रोखणारे दृश्य, आणि जर तुम्ही तुमचे नाव जोराने ओरडलात तर त्याचा आवाज पर्वतांमधून प्रतिध्वनित होईल. येथील एक खास वैशिष्ट्य म्हणजे मान्सूनच्या पावसात वाहणारा उलटा धबधबा.
● मारुती मंदिर: बसस्थानकापासून २ किमी अंतरावर असलेले मारुती मंदिर आहे जिथे आंबोली येथे एका संताची समाधी, गणेश मंदिर आणि राम मंदिर पण आहे.

पर्यटन स्थळाला रेल्वे, हवाई, रस्ता (ट्रेन, उड्डाण, बस) द्वारे कसे जावे (अंतर आणि वेळेसह)    
•    आंबोलीला रस्त्याद्वारे जाता येते.  ते बेळगाव आणि सावंतवाडीला जोडणाऱ्या SH१२१ ला जोडलेले आहे.  स्थानिक वाहतूक मोटारयुक्त तीन चाकी रिक्षा आणि काही खासगी टॅक्सी द्वारे होते.  मुंबई ४८९ किमी (८ तास १७ मिनिट), सोलापूर ३३७ किमी (७ तास ४१ मिनिटे), कोल्हापूर १८२ किमी (३ तास २२ मिनिटे) आणि गोवा (पणजी) १३५ किमी (३ तास ८ मिनिटे), शहरांमधून राज्य परिवहन, खाजगी आणि लक्झरी बसेस उपलब्ध आहेत.
•    जवळचे विमानतळ: गोवा आंतरराष्ट्रीय विमानतळ १०६ किमी (२ तास ४७ मिनिटे), सिंधुदुर्ग चिपी विमानतळ ७२.३ किमी (१ तास ४७ मिनिट)
•    जवळचे रेल्वे स्टेशन: सावंतवाडी रोड रेल्वे स्टेशन - ४८.४ किमी (१ तास ११ मि), कुडाळ रेल्वे स्टेशन ५०.७ किमी (१ तास १४ मि).

विशेष खाद्य आणि हॉटेल
हे मालवणी खाद्यपदार्थ मसालेदार करी आणि फ्राईजसाठी ओळखले जातात. कोकण आणि गोव्याच्या जवळ असल्याने, कोकणी पाककृती चा देखील थोडा प्रभाव आहे. तुम्हाला कोकणी शैलीतील मासे आणि कोकमचा रस मिळेल जो उन्हाळ्यात ताजातवाना करतो.
 
जवळ उपलब्ध असलेली राहण्याची ठिकाणे, आणि हॉटेल, हॉस्पिटल, पोस्ट ऑफिस/ पोलीस स्टेशन 
•    आंबोलीत उपलब्ध असलेले विविध हॉटेल्स, लॉज, आणि रिसॉर्ट्स
•    जवळ उपलब्ध असलेले हॉस्पिटल ३२.१ किमी. (५१ मिनिटे) लांब आहे.
•    जवळ उपलब्ध असलेले पोस्ट ऑफिस ०.९ किमी. (२ मिनिटे) लांब आहे.
•    जवळ उपलब्ध असलेले पोलीस स्टेशन ऑफिस १ किमी. (३ मिनिटे) लांब आहे.

एमटीडीसी रिसॉर्ट ची माहिती    
एमटीडीसी रिसॉर्ट आंबोलीत आहे (१.४ किमी) 
    
क्षेत्राला भेट देण्याचे नियम आणि वेळ, भेट देण्याचा सर्वोत्तम महिना      
येथे वर्षभर सुलभतेने जाता येते. आहे. पावसाळा आणि हिवाळा येथे जाण्यासाठी सर्वोत्तम काळ आहे. विशेषकरून पावसाळा, कारण तेव्हां पूर्ण घाटात वाहणाऱ्या सुंदर धबधब्यांचा आनंद घेता येतो. पर्यटकांना सल्ला दिला जातो की मे महिन्यात जाणे शक्यतो टाळावे कारण तेव्हां उष्णता खूपच असह्य होऊ शकते.

क्षेत्रात बोलल्या जाणाऱ्या भाषा     
इंग्रजी, हिंदी, मराठी, मालवणी.