गुहागर हे भारताच्या पश्चिम किनाऱ्यावर महाराष्ट्रातील रत्नागिरी जिल्ह्यात आहे. हा किनारा कोकण विभागातील सर्वात सुरक्षित आणि स्वच्छ समुद्रकिनाऱ्यांपैकी एक आहे. गुहागर वेळणेश्वर समुद्रकिनाऱ्याच्या जवळ आहे.

जिल्हा/विभाग        

रत्नागिरी जिल्हा, महाराष्ट्र, भारत.

ऐतिहासिक माहिती 

गुहागर हा महाराष्ट्रातील कोकण विभागातील रत्नागिरी जिल्ह्याचा एक तालुका आहे. हे ठिकाण स्वच्छ आणि वालुकामय समुद्रकिनाऱ्यांसाठी प्रसिद्ध आहे. १९९० च्या दशकात अर्थव्यवस्थेत सुधारणा होत असताना या भागात दाभोळ पॉवर कंपनी सुरू होईपर्यंत हा किनारा अनेकांना माहित नसल्यामुळे, इथले सौंदर्य आणि शांतता अबाधित आहे. हा संपूर्ण कोकणातील सर्वात स्वच्छ समुद्रकिनारा आहे. गुहागर नावाचा अर्थ लेण्यांचे घर, इथल्या आसपासच्या प्रदेशात अनेक गुहा दिसतात.

भौगोलिक माहिती   

गुहागर हे महाराष्ट्राच्या कोकण प्रदेशातील वशिष्टी नदी आणि जयगड खाडीच्या मध्ये असलेली एक किनारपट्टी आहे. त्याच्या एका बाजूला सह्याद्री पर्वत आणि दुसऱ्या बाजूला अरबी समुद्र आहे. हे चिपळूणच्या पश्चिमेस ४४ किमी, रत्नागिरीपासून ८९ किमी दूर आणि मुंबईपासून २५७ किमी दूर आहे.

हवामान       

या प्रदेशातील मुख्य ऋतू म्हणजे पावसाळा. कोकण किनारपट्टीत मुख्यतः जास्त पाऊस (सुमारे २५०० मिमी ते ४५०० मिमी) अनुभवायला मिळतो आणि हवामान दमट आणि उबदार असते. पावसाळ्यात तापमान ३० अंश सेल्सिअस पर्यंत पोहोचते.

उन्हाळा गरम आणि दमट असतो आणि तापमान ४० अंश सेल्सिअस पर्यंत पोहोचते.

इथे हिवाळ्यात तुलनेने सौम्य हवामान (सुमारे २८ अंश सेल्सिअस) असते आणि हवामान थंड आणि कोरडे असते.

करण्यासारख्या गोष्टी        

गुहागर हे नारळाची झाडे, सुपारी आणि आंब्याच्या झाडांनी व्यापलेल्या अज्ञात किनाऱ्यांसाठी प्रसिद्ध आहे. किनारे खूप लांब, रुंद आणि शांत आहेत. व्यस्त जीवनापासून आराम आणि विश्रांती घेण्यासाठी हे सर्वोत्तम ठिकाण आहे.

हा समुद्रकिनारा पर्यटकांना फारसा परिचित नसल्यामुळे, कोकणातील इतर समुद्रकिनाऱ्यांवर आढळणारे मनोरंजन व क्रीडांचे उपक्रम इथे नाहीत.

जवळची पर्यटनस्थळे        

गुहागरसह खालील पर्यटन स्थळांना भेट देण्याची योजना आपण करू शकता.

• व्याडेश्वर मंदिर: भगवान शंकराच्या या प्राचीन मंदिरात काळ्या पाषाणात कोरलेले सुंदर शिवलिंग आहे.
• पालशेत: हे ठिकाण सुसरोंडीच्या गुहेसाठी प्रसिद्ध आहे, जे गुहागरच्या दक्षिणेस १३ किलोमीटर अंतरावर आहे.
• गोपाळगड किल्ला: एक सुंदर दीपगृह असलेला किल्ला गुहागरच्या उत्तरेस १२ किमी अंतरावर आहे.
• वेळणेश्वर: गुहागर समुद्रकिनाऱ्यापासून २५ किमी दक्षिणेस असलेले हे ठिकाण भगवान शिव आणि काळभैरव मंदिरासाठी ओळखले जाते. हे त्याच्या सुंदर समुद्रकिनाऱ्यासाठी देखील प्रसिद्ध आहे.
• हेडवी: हे ठिकाण दशभुजा गणपती मंदिरासाठी प्रसिद्ध आहे आणि ‘जिओ’ नावाचे एक अद्भुत भूवैज्ञानिक वैशिष्ट्य इथे आहे. हे वैशिष्ट्य भरती दरम्यान पाहणे आवश्यक आहे.

रेल्वेने, विमानाने आणि रस्त्याने (ट्रेन, विमान, बस) तसेच ठराविक वेळेत पर्यटन स्थळावर कसे पोहोचावे      

• गुहागरला रस्ता आणि रेल्वेने प्रवास करता येतो. हे NH 66, मुंबई गोवा महामार्गाशी जोडलेले आहे. महाराष्ट्र राज्य परिवहनाच्या बसेस मुंबई, पुणे आणि रत्नागिरी येथून उपलब्ध आहेत.
• जवळचे विमानतळ: छत्रपती शिवाजी महाराज विमानतळ मुंबई २७० किमी
• जवळचे रेल्वे स्टेशन: चिपळूण ४७.६ किमी

खाद्य वैशिष्ट्य आणि हॉटेल्स        

महाराष्ट्राच्या किनारपट्टी भागात असल्याने सी-फुड (मासे आणि स्थानिक पदार्थ) इथले वैशिष्ट्य आहे.

• जवळच्या निवास सुविधा आणि हॉटेल/ हॉस्पिटल/ पोस्ट ऑफिस/पोलीस स्टेशन        
• अनेक हॉटेल्स आणि होम-स्टे इथे उपलब्ध आहेत.
• रुग्णालये समुद्रकिनाऱ्यापासून १.५ किमी अंतरावर आहेत.
• पोस्ट ऑफिस गावात आहे.
• गुहागर पोलीस स्टेशन समुद्रकिनाऱ्यापासून ०.६ किमी अंतरावर आहे.

जवळपासचे एमटीडीसी रिसॉर्ट

हरिहरेश्वरमध्ये एमटीडीसी रिसॉर्ट उपलब्ध आहे.

पर्यटनासाठीचे नियम आणि वेळ, पर्यटनासाठी योग्य काळ     

• हे ठिकाण पर्यटनासाठी वर्षभर उपलब्ध आहे. या ठिकाणास भेट देण्याची उत्तम वेळ ऑक्टोबर ते मार्च पर्यंत आहे.
• जून ते ऑक्टोबर पर्यंत इथे भरपूर पाऊस असतो आणि उन्हाळा गरम आणि दमट असतो.
• पर्यटकांनी समुद्रात प्रवेश करण्यापूर्वी भरती आणि ओहोटीच्या वेळ तपासून मगच समुद्रात जावे.
• पावसाळ्यात समुद्राला येणारी भरती धोकादायक असू शकते म्हणून याकाळात समुद्रात जाणे टाळले पाहिजे.

या ठिकाणी बोलल्या जाणाऱ्या भाषा       

इंग्रजी, हिंदी, मराठी, कोकणी