महाराष्ट्र हे ६ महसूल विभागांमध्ये विभागले गेले आहे, जे पुढे ३६ जिल्ह्यांमध्ये विभागले गेले आहेत. हे ३६ जिल्हे पुढे १०९ जिल्ह्यांचे उपविभाग आणि ३५७ तालुक्यांमध्ये विभागले गेले आहेत.

महाराष्ट्र सरकारने मराठवाडा विभागातील विद्यमान औरंगाबाद विभागाचे विभाजन करून नांदेड येथे नवीन अधिकृत महसूल विभाग सुरू करण्याचा निर्णय घेतला आहे. ५ जानेवारी २००९ रोजी मंजुरीची प्रक्रिया यापूर्वीच  झाली आहे. नवीन नांदेड विभागात नांदेड, लातूर, परभणी आणि हिंगोली जिल्ह्यांचा समावेश असेल. राज्याने औरंगाबाद विभागीय आयुक्त (महसूल) यांना या उद्देशासाठी एक कोटी रुपयांचा निधी मंजूर केला आहे, याशिवाय नवीन विभाग एक विशेष नियुक्त अधिकारी आणि १० सहाय्यकांद्वारे चालविला जाईल, अशी घोषणा केली.
औरंगाबाद नांदेड, लातूर, जालना, परभणी, उस्मानाबाद, हिंगोली आणि बीड यांचा समावेश असलेला औरंगाबाद विभाग हा स्वतःच मोठा विभाग असल्याने हा निर्णय घेण्यात आला आहे. याशिवाय, औरंगाबादपासून २६० किलोमीटरहून अधिक अंतरावर असलेल्या नांदेड आणि लातूरची लोकसंख्या अनुक्रमे २८,७६,००० आणि २८,८०,००० इतकी आहे, त्यामुळे ते मोठे उपभाग बनतात.

याशिवाय, परभणी आणि हिंगोली हे देखील औरंगाबादपासून २०० किमी अंतरावर आहेत, त्यामुळे या चार जिल्ह्यांतील लोकसंख्येला औरंगाबाद महसूल कार्यालयात अधिका-यांना भेटावे लागल्यास खूप त्रास होईल. ही समस्या विचारात घेऊन नवीन विभागांची रचना विचाराधीन आहे मात्र हा नवीन अधिकृत विभाग अद्याप लागू झालेला नाही